Darbu-ah K.Hminga album hralh a kal

Darbu Music App-ah K. Hminga album hralh a kal chhunzawm zel a, 2024, March thla chhunga an hralh hnem ber pawh K.Hminga album, 'Ka Ngaih, Zawng Ho' a la ni.

February thlaa hralh hnem ber, Matilda & The Quest album chu March thlaah pahnihnaah a tla thla a, pathumnaah Mezoo Ford a rawn lang thar thung. One in Christ leh The Leprosy Mission Choir-te chuan an soundtrack hralhna aṭangin palina leh pangana dinhmun an la hauh bawk.

March thla chhunga Darbu-a hla play hnemah K.Hminga leh Matilda & The Quest chuan pakhatna leh pahnihna an la hauh a, Aengi& Rosalyn, Mezzo Ford leh Young Fella te'n an dawt a ni.

Darbu Music hian music mai ni lo, audio book leh podcast lamah content thar ṭha tak tak chhawp chhuah tumin hma an la mek. Mizo audio book library hmasa ber ni thei turin audio book feature telh an tum a ni.