Rinfeli Khiangte 'Duh Te'n Ka Chawi' Darbu App-ah lei theih

High School & Higher Secondary State Level Beat & Solo Competition - 2023 aṭanga kan hriat lar, school uniform haa guitar awrh chunga a zai kan hmuh ṭhin, singer-songwriter Rinfeli Khiangte chuan a single thar, 'Duh Te'n Ka Chawi' tih chu Darpu App-ah a chhawp chhuak ta.

Rinfeli chuan tettê aṭanga zai lama tui mi a nih thu leh, kum 10 mi lek a nih aṭanga hla phuah lam pawh a tui ṭan thu sawiin, ama pual hla hmasa ber a tichhuak thei chu lawmawm a tih thu a sawi. A hla hi Drew Records (Andrew Chhangte) a record a ni a, vocal bik hi Kings and Prophets-ah record niin, Mixing and Mastering erawh Drew Records-ah vek a ni thung. Guitar - Lalfamkima (FK Records), Drums - Rempuia (YSM), Bass – Benjamin (YSM/Hottips) leh Keyboard – Andrew Chhangte (LoST) te kutchhuak a ni.