Eminem-a'n stream mtd 500 nei hla 21 a nei ta

Emimen-a hla, 'Sing for the Moment' chuan Spotify-ah stream mtd. 500 a nei tling ve leh ta a, he platform-a stream mtd. 500 nei tling hla 21 a neihna a ni ta.

'Sing For the Moment' hi Eminem studio album palina,'The Eminem Show'-a mi niin, he hla a tihchhuah hian ram 20-ah Top 10 a kaipui thei a ni. UK leh Australia-ah Platinum certification hmuin, US-ah 2x-Platinum certification a hmu bawk. Eminem hian April Fool khan a social media kaltlangin a fan-te a prank a, a album thar a chhuak ni awm takin teaser video a tichhuak a, fan-te pawh an phur hman hle a, mahse, a hnuah April Fool prank a ni tih an hre leh a ni. Mahse, Dr Dre-a'n Em hian kuminah project thar a nei dawn tih a lo sawi tawh avangin, eng emaw tak chu a la rawn chhawp chhuah ngei a rinawm.