Zoe Saldana-i'n Star Trek 4 siam ngei a la beisei

Star Trek franchise star, Zoe Saldana chuan Star Trek 4 siam beiseina a la nei zel tih a sawi.

Star Trek 4 siam chhunzawm a nih dawn leh dawn loh chungchangah sawi a tam a, mahse, fan tam tak chuan Paramount lakah an beidawng ṭan tawh tih an sawi. Hetih lai hian star zinga mi, Saldana erawh chuan beiseina a la nei reng thung a, a film palina siam theih a nih chuan a chan leh ngei a rinawm. Zoe Saldana hi Star Trek movie pathumah hian a chang vek a ni. Star Trek 4 chungchangah thu chiang engmah la awm lo mah se, kumin kum tir lam khan Star Trek reboot film prequel siam tum a nih thu sawi lan a lo ni tawh a, mahse, hei hi a hma lam kum tam tak huna mi ang a ni dawn a, cast member-te pawh tu mah a ngai an chang dawn lo nia sawi a ni.