Indiana Jones 5 aṭangin Disney-in sum a hloh hnem

Indiana Jones film hmasate a hit viau laiin, kum 2023-a tihchhuah, 'Indiana Jones and the Dial of Destiny' chuan box office lamah beisei a pha lo hle. Disney chuan he film avang hian USD mtd 134.2 zet a hloh nia tarlan a ni.

Harrison Ford channa, Indiana Jones film hnuhnung ber siamna atan hian Disney chuan budget USD mtd 387.2 zet a siam. Mahse he film aṭanga sum hmuh hi USD mtd. 384 vel chauh a ni pha a, hei hi 2008-a tihchhuah, ' Indiana Jones and the Kingdom of the Crystal Skull' sum hmuh zahve pawh a tling pha lo. An sum hmuh aṭanga a zahve hi studio lamin an chang a, Disney hian Dial of Destiny aṭang hian USD mtd. 192 chiah a hlawh chhuak a ni. Hemi rual hian ticket sale piah lamah, merchandise leh media copy lam aṭangin Disney hian sum a la hmuh belh thei dawn thung a, mahse, eng zat chiah nge heng aṭang hian a hmuh chhuah theih dawn erawh sawi chian a ni lo.