I League-ah Aizawl FC an him tawh

I League aṭangin team pahnih an tla dawn a, Aizawl FC chu table hnuaia awm pahnih Neroca leh Trau ten an phak theih tawh loh avangin an him tawh. Manipur club pahnih hi match khelh hmabakah chak vek pawh ni se an chunga awm Namdhari FC an phak theih tawh loh avangin an relegate dawn.

Aizawl FC hian April 5, Zirtawpni zan hian Tilak Maidan-ah Churchill Brothers an hmachhawn ang. Mizo club hian kuminah result an neih ṭhat tawk loh hnuin an mualah Churchill hi 4-0 in an sawp a, mah se hemi hnu hian Namdhari nen 1-1 in an inhnehtawk.

Mizo club hian harsatna an tawk a, coaching staff leh player-ten February aṭangin hlawh an la tawh lo. Hei hian an result-ah pawh nghawng lian tak a neia ngaih a ni.