MFA Cup Inelna thlengtu Lawngtlai club an che ṭha

Mizoram Football Association hnuaia district hrang hrang club inelna MFA Cup vawi 22 chu nimin khan Lawngtlaiah khelh ṭan a ni a, khawtual club MLS FC chuan Mamit club Hmar Veng FC chu 6-0 in an sawp.

Siaha club Model United FC chuan Khawzawl club Vengthar FC chu 4-3 in an hneh a, Kolasib club Saidan GSA-in FC Serchhip Kawnpui chu 1-0 in an hneh. Vengthar FC leh FC Serchhip Kawnpui te hi an khua Khawzawl leh Serchhip-ah an chungnung ve ve a, MFA Cup-a an chak lo nghal hian boruak a ti nung khawp ang.

Group B-ah Lunglei club Venglai FC-in Saitual aiawh Venghlun FC chu 2-1 in an hneh. Inkhel hnuhnung berah Aizawl District First Division champion FC Bethlehemin Champhai District aiawh Bethel FC lakah ṭum hnih hma hruai mah se 2-2 in inkhel a tawp.