Match zawna hattrick siam Ronaldo

Cristiano Ronaldo chuan Abha lakah chawlhlawk hmain goal thum a khung - Al Nassr forward hian Saudi Pro League an khelh hnuhnung pahnihah hattrick a siam ve ve; Thawhlehni zan hian a team hi 8-0 in a chak pui a ni.

Portugal captain Ronaldo hian freekick aṭangin goal hnih a khung a, a goal dang pakhat hi box pawn aṭanga a khung niin, goalkeeper Ciprian Tatarusanu rawn kal chhuak deuh chu mawi zetin a chip khum.

Football a khelh hun chhungin Ronaldo-a'n hattrick vawi 65 a siam tling ta chiah, kum 39 mi ni tawh mah se goal khung a la bansan thei lo. Tun season league match 24 a khelh aṭangin goal 29 a khung a, a ṭhiante khung tur vawi 11 a siamsak tawh bawk.