Embiid kir niah 76ers chak

Hliam vanga thla hnih chhung a chawlh hnuah Joel Embiid a inkhel leh thei tawh a, nimin zing kha a team Philadelphia 76ers chu Oklahoma City Thunder lakah 109-105 in hnehna a chanpui.

January thla tawp khan Golden State Warriors nen an inkhelh ṭumin Embiid hi a inhliam, a khup hliam avang hian a chawlh vang vang hnuah a lo kir leh ta chiah a, point 24 a rawn neih bakah assist vawi sarih neiin rebound ṭum ruk a la bawk.

San Francisco lama inkhelah a zawna vawi sarih chak tawh Dallas Mavericks chuan ngam loh an tawng, an khingpui Golden State Warriors lakah 104-100 in an chak lo - Golden State erawh a zawna vawi nga an chakna a ni thung.

Los Angeles Lakers pawhin Toronto Raptors chu 128-111 in an hneh. Toronto hi an che chhe takzet a, tun hnaiah match 14 chhung an tlawm zawn ta insiamṭhat an mamawh takzet.