Singapore Open champion Dwi Kuncoro

Pathianni khan Singapore Open khelh zawh a ni a, Sony Dwi Kuncoro chuan Son Wan Ho hnehin champion nomawi a chawi.

Malaysian shuttler Dwi Kuncoro hian darkar khat leh minute thum chhungin Korean shuttler Wan Ho lakah hian 21-16, 13-21, 21-14 in hnehna a chang. Kum 31-a upa Dwi Kuncoro hian semifinal-ah Olympic champion vawi hnih lo ni tawh Lin Dan a hneh nghe nghe.

Hmeichhe single final-ah seeded pathumna Ratchanok Intanon chuan minute 69 chhungin Chinese shuttler Sun Yu lakah 18-21, 21-11, 21-14 in hnehna a chang ve bawk.

Tunkar Ningani hian world ranking tih chhuah thar a ni leh dawn a, tunhnaia India leh Malaysia Open-a hlawhtlinna chang bawk Thailand shuttler Intanon hian 2013 world champion Carolina Marin lehpelin number 1 nihna a luah ang.