Goa-ah Aizawl FC U15 an chak nghal

Nimin tlai khan Aizawl FC chuan I League Under-15 'Nike Premier Cup 2016' a an match hmasa ber Sporting Clube de Goa nen khelin 4-0 in Goan club hi an sawp.

Duler Stadium, Goa-a inkhelah hian Aizawl FC tan Zamthianmanga chuan goal hnih a khung bakah Mal-sawmtluanga leh Peter Lalduh-awma-ten goal khat ve ve an khung bawk.

Nike Premier Cup 2016 khel tura Rest of India Zone aṭanga hneh loh nei loa tling Aizawl FC hian naktuk khian Bengaluru FC nen an match hnihna an khel leh ang a, Zirtawpniah an group match hnuhnung ber khel turin United Sporting Club an hmachhawn leh ang.

I League Under-15 ah hian Aizawl FC hi Group A ah Benglaru FC, United SC leh Sporting Clube de Goa te nen an awm a, group tina ti ṭha berin semi-final an luh dawn bakah group pathuma pahnihna dinhmuh hauh zinga team ti ṭha berin semi-final hi an lut dawn bawk a ni.