MFA Cup Vawiin aṭangin tla an awm ṭan thei tawh

Mizoram Football Association hnuaia district hrang hrang club inelna MFA Cup vawi 22 chu vawiinah khelh chhunzawm a ni dawn, team 11 chu group pahnihah team paruk leh pangaa inṭhenin group khat aṭangin team pahnihin semifinal an lut dawn.

Khawzawl club Vengthar FC leh Serchhip club FC Serchhip Kawnpui ten an khuaah inelna thunun mah se MFA Cup tla nghal thei dinhmunah an ding. Team pahnih tan chak ve ve a ṭul a, chutihrualin Mamit club Hmar Veng FC pawhin chak hmel an hmuh a ṭul ta bawk.

Group B-ah Aizawl champion FC Bethlehem leh Champhai aiawh Bethel FC ten point li ve ve an hmu tawh a, tun round hi FC Bethlehem awl hun chiah niin Bethel tan hmahruai theihna hun ṭha a ni ang.