Aizawl FC an chak lo

I League-ah Aizawl FC-in Zirtawpni zan khan Churchill Brothers 2-0 in an hneh lo a, season tawpa a sang panga zinga awm theihna hun ṭha an bawhpelh. Tunah hian Mizo club hi pakuanaah an awm mek a, an khelh hmabak match hniha an result a zirin an dinhmun an la siamrem thei ang.

Tilak Maidan-ah Churchill-in bul an ṭan ṭha a, Ogana Louis hmangin Goan club-in goal an khung hma a, an khel ṭha zawk bawk. Mizo club hian an mualah Churchill hi 4-0 ngawtin hneh lo mah se an squad neih chhah tawk lo an tuar a, hun tawp dawna Lalmuanawma'n an lamah a tih luh bawk avangin 2-0 in an hneh lo.

Churchill hi Aizawl FC chungah awm tawh a, Mizo club hian an khelh hmabaka Trau leh Neroca te an hneh ve ve chuan Goan club chunga an awm theih dan a la awm.