Stephen Curry tel loin Warriors chak

Thawhṭanni zing khan Golden State Warriors guard Stephen Curry chuan inkhelh ṭan hmain a ke dinglam ngalrek damchiang turin chawlh a mamawh thu a sawi a, NBA Playoffs Game 2-a Houston Rockets an hma-chhawn ṭumin a inlan ve lo.

NBA MVP Curry tel lohna inkhelah Klay Thomp-son a khel ṭha a, Warriors shooting guard hian point 34 zet a score. Golden State hian regular season-ah vawi 73 zet chakin record thar an siam a, Playoff-ah match hnih an chak leh tawh bawk.

Warriors power for-ward Draymond Green chuan, "Kan squad hi a chhah a, Steph ringawtah kan innghat lo. NBA-ah team belhchian dawl ber kan niin ka hria," tiin Curry vanga an buai loh thu a sawi.

Golden State chak-puitu Thompson chuan, "Steph tel lo khan a awl-sam zawk. A telve chuan midang ball a pe ve duh lo," tiin a uang zet a, thutak sawi zuiin, "Ka sawi letling chiah kha a ni. Curry hmunruak hi hnawhkhah a har a ni. Chutihrualin team tan kan khel vek a, mahnia tih tum kan awm lohna hi kan
ṭhatna a ni," tiin a sawi.