Wilshere-a'n goal a khung

Arsenal midfielder Jack Wil-shere chuan thla 10 hnuah goal a khung ve leh ta a, mahse England international goal khung hian Arsenal U21 team a chak pui zo lo a, Thawhṭanni zan inkhelah West Brom U21 lakah 2-1 in an chak lo.

Kum 23-a upa Wilshere goal khung hnuhnung ber chu nikum June thlaa England-in Slovenia 3-2 a an hneh
ṭum daih tawh kha a ni. Tun season-ah Wilshere hi Arsenal first team tan a la inlan miah lo a, a hliam dam tawh mah se Arsene Wenger hnuaia hmun chang turin a intuaihriam mek a ni.

Wilshere hian England-in Euro 2016 an khelh theih nan qualifying match ruk a khel a, mahse hliam a tawh avangin ram tan kum khat dawn a inkhel thei lo tawh.