Yamaha chhuahsan tur Lorenzo

MotoGP world cham-pion nilai Jorge Lorenzo chuan tun season tawp rualin Movistar Yamaha a chhuhsan ang a, kum thar aṭang chuan Ducati bike a khalh tawh tur thu Thawhṭan zan khan an ti chiang ta.

Spanish rider Lorenzo hian Movistar Yamaha bike kum riat a khalh chhungin intliansiak vawi 141 a hmachhawn aṭangin vawi 41 hnehna a chang a, World Championship title vawi thum a chawi bawk. Kum 28-a upa Lorenzo hian Ducati tan hian kum 2017 leh 2018 season atan contract a ziak phawt a ni.

Kumin March thlaa an rider Valentino Rossi kum hnih cham tura contract thar ziahpuitu Ya-maha chuan Lorenzo chungchang sawiin, "Kan team chuan a title pali-na a lak ngei theih nan kum tluanin theihtawp kan chhuah-pui ang," tiin a sawi.

Yamaha chuan an rider chunga an lawmthu sawi chhunzawmin, "Jorge a chungah hian Yamaha chu kan lawm takzet a, kumina MotoGP intlansiak tur round 15 la awm hi chhinchhiah tlak taka hmanpui ngei kan tum dawn," tiin an sawi.

Kumina intlansiak hmasa ber Qatar Grand Prix-ah khan Lorenzo hi pakhatna a ni a, Argentine Grand Prix leh Grand Prix of the Americas-ah erawh Honda rider Marc Marquez-a'n hnehna a chang thung.