Villa enkawl chak an tam - Black

Aston Villa enkawl lailawktu manager Eric Black chuan an club chu Premier League aṭangin relegate mah se manager thar hmu turin buaina an neih loh tur thu a sawi.

Premier League aṭanga a vawi khat nana relegate Villa hian tun season-ah manager pahnih nei hmanin Tim Sherwood leh Remi Garde-te chu an hna
aṭangin an chawlhtir a, tun season-a league match 34 an khelh tawhah vawi thum chiah an chak.

Eric Black chuan, "Villa enkawl chak mana-ger hi tam tak an awm ang tih ka chiang a ni. Stadium ropui tak, training ground ṭha tak leh fans ṭha tak kan nei a, he club enkawl hi a châkawm a ni," tiin a club enkawl lai chu a fak thiam hle.