Euro khel lo tur Marchisio

Juventus midfielder Claudio Marchisio chuan Inrinni zana Palermo 4-0 a an sawp ṭumin a khupah hliam a tur a, zai a ngai dawn.

Italy international hi a chawn na vanga a chawlh reng hnuah tun thla aṭang-in a inkhel ve leh thei chauh a, mahse a khup zai a ngaih leh dawn tak avang hian Euro 2016-ah ram tan a in-lan theih a beiseiawm ta lo.

Juventus coach Mas-similiano Allegri chuan a player hliam hi a nat a hlauhthawn thu a lo sawi tawh a, MRI scan tih a nih hnuah Juve chuan an midfielder khup hi zai a ngaih tur thu an ti chiang ta a ni.

Italy hi group E-ah Bel-gium, Republic of Ireland leh Sweden te nen an awm ho a, Marchisio bakah hian Paris Saint-Germain midfielder Marco Verratti pawh ṭhâl na vanga thla hnih a inkhelh theih tawh loh avangin Euro 2016-a a inlan dawn leh dawn loh a la chiang lo.