Tlangnuam leh Ramhlun Venglai an chak

Central YMA Inter Branch Cricket Tournament chu Suaka Memorial Cricket Stadium, Sihhmuiah khelh chhunzawm zel a ni a, vawiin hian quarterfinal lut tur a hriat kim ang.

Nimin inkhel hmasa zawkah Luangmual-in wicket hnihin Tlangnuam an hneh a, inkhel hnuhnung zawkah Ramhlun Venglaiin Ṭhuampui chu run 77 a hnehin a sang pariat zingah an inhlangkai bawk.

Vawiin hian last 16 khelh zawh a ni ang a, Durtlang leh Chaltlang te chawhma dar 9:00-ah an inkhel ang a, chhun dar 12:00-ah Govt Complex leh Zemabawk te an inhmachhawn chhunzawm ang.

Luangmual an chak

Nimin inkhel hmasa zawk--ah coin toss-a vannei Tlang-nuam-in vuak hmasak an thlang. Luangmual bowler Lalawm-puia'n run 6 chiah pein wicket li a la a, Tlangnuam bats-man te an che thei lo.

Tlangnuam hian over 16.3-ah run 61 siamin an out fai vek a, ball 35-a run 18 siamtu K. Malsawma chu an mualphona hliahkhuhtu a ni.

Luangmual vuak hun a thleng a, an beisei angin run vaw chhuak chak lo mah se Lalrinchhana'n run 25 siamin a tawp thlengin a dam. Awlsam taka chak tura ngaih Luangmualin over 17-naah wicket riat hlohin hnehna an chang a, run 11 pea wicket thum latu Lalmuanpuia'n Tlangnuam a chakpui zo lo.

Ramhlun Venglai an chungnung

Inkhel hnuhnung zawkah Ramhlun Venglai chu coin toss-ah an chak a, vuak hmasak an thlang. Ramhlun Venglai batsman Vanlalrinzuala'n ball 27-ah run 44 a rawn vaw chhuak vat a, Malsawmdinpuia 42 (44), Lalchhuanliana 30 (23) te rawn che ṭhain over 20-ah wicket 5 hlohin run 154 lawih an siam. Ṭhuampui bowler zinga khelṭha ber Abraham Lalmuanpuia'n run 23 pein wicket 2 a la.

Cricket khelh thiam veng Ramhlun Venglai tan an target sang tak hi hum huphurhawm a ni lo a, awlsam takin an chak zui bawk. Ṭhuampui tana khelṭha ber Tony-a'n ball 28-ah run 19 chiah a vuakchhuah theih avangin Ramhlun Venglai target siam umphak chi rual a ni lo a, over 20-ah wicket 9 hlohin run 77 chiah an tlin.

Ramhlun Venglai bowler Remruatdika'n wicket thum lain run riat chiah a pe a, Michael chuan wicket hnih lain run kua chiah a pe bawk. Ramhlun Venglai batsman leh bowler-te chet ṭhat niah 77 runs in hnehna an chang.

Vawiin Inkhel Tur

Suaka Memorial Cricket Stadium, Sihhmui

09:00 AM Durtlang Vs Chaltlang (M26)

12:00 Noon Govt Complex Vs Zemabawk (M27)

Quarterfinal

April 25, ThawhṬanni

09:00 AM Chanmari FC Vs Ramhlun Venglai

12:00 Noon Ramhlun Norh Vs Luangmual

April 26, Thawhlehni

09:00 AM Zarkawt Vs M27

12:00 Noon Ramthar Veng Vs M26