Juve mikhual tur Lazio

Champion lai Ju-ventus tan Serie A no-mawi humhim chu thil harsa ni tawh lo a ngaih theih a ni a, zanin dar 12:15-a Lazio an lo mi-khual hunah hnehna an chang a nih chuan an din-hmun a ṭha tawh hle ang.

Juve hian pahnihna Napoli lakah point kua ngawtin hma an hruai fal tawh a, match nga chiah khelh hmabak a awm tawh avangin nomawi chu an kut lehlamin an vuan tawha ngaih a ni.

Massimiliano Allegri naute hi an champion thei a nih chuan a zawna Serie A title vawi nga an chawina tur chiah a ni ang. Mahse, Lazio hi season thara Europa League khelh beisei mek an nih avangin Juve hna hi chuti taka awlsam a ni dawn bik lo.

Tun hnai an league match vawi 23 aṭanga
ṭum 22 hnehna chan pui thei Allegri chuan, "Result aṭanga kan teh dawn anih chuan tuna mite hi Juventus team ṭha ber an la ni hial ang ka ring. Tawnhriat nei tam tawk tak tak karah la naupang deuh an awm bawk a, kan hmalam hun a eng hlein ka hria," tiin a naute a ringtawk hle.