Liverpool a kir duh lo Balotelli

Mario Balotelli chuan Liverpool a kir leh a hreh thu leh AC Milan tana khelh chhunzawm a duh zawk thu a sawi.

Italy international hian 2014 August thla khan Milan aṭang hian Liverpool a zawm a, mah-se Reds-ah hian beisei phak loin league-ah goal khat chiah a khung a, tun season chhung atan a club hlui Milan lamah loan-in a khel leh rih.

Tun season tawp rual hian Balotelli loan hi a tawp zui ve dawn a, Pre-mier League khel turin An-field pan leh tura ngaih a ni.

Kum 25-a upa Balo-telli chuan, "Milan-ah hian cham chhunzawm ka duh a, a chhan pawh Li-ver-pool-ah khan ka hlim lo a ni," tiin a sawi.

Milan tan tun season-a Serie A club tan match 19 a khelh tawh aṭanga goal thum chiah la khungtu Balotelli chuan, "Tun hnai match hnih chhungin ka khel ṭha chho ve leh tawh a, match ruk khelh hmabak kan la neih avangin ka theihna tak phochhuahna hun ka la nei a ni," tiin a sawi bawk.