Mourinho chhantu Fabregas

Chelsea midfielder Cesc Fabregas chuan manager Jose Mourinho chu player-te chunga rinna a nghah nasat lutuk vangin a hna a chan thu a sawi.

Kum 28-a upa Fabre-gas chuan, "Mourinho khan min ring lutuk mah mah a, kan champion avang khan hun rei zawk chawlh min pe a, min ring angin player-ten kan thung rul lo a ni. Chelsea a chhuahsan chhan ber chu keimahni vang a ni a, kei leh player dangte pawhin kan inthiam thei lo a ni," tiin Portuguese manager an ban chhan chu player thiam loh a nih thu a sawi.

Kum 53-a upa Jose Mourinho hi December thla khan ban a ni a, hetih hunlai hian Chelsea hi relegation zone aṭanga an himna chu point khat chiah a ni a, Premier League title an lak aṭangin thla sarih chiah a la liam.

Tun season-ah erawh Chelsea tan champion beisei ngam chi a ni tawh lo a, Fabregas chuan, "Leicester City hi season tluanin an khelṭha a, Tottenham Hotspurs hi champion turin ka duh lo a, champion tur atana ka duh chu Foxes a ni," tiin a thusawi dan hmangah Arsenal captain hlui a ni tih a chiang hle.