Mumbai City coach thar Alexandre Guimarães

Indian Super League club Mumbai City chuan season thar atana an coach turin Costa Rica coach hlui Alexandre Guimaraes an ruat. Kum 56-a upa manager hian Costa Rica hi kum 2002 leh 2006 World Cup-ah a hruai thlen avangin a hmingṭha hle.

Kum 2014-a Chinese Super League club Tianjin Teda a chhuahsan hnua club enkawl la nei leh lo coach Guimaraes chuan, "Asia-ah kum engemaw zat coaching hna ka thawh chhungin football khawvela India ṭhanna hian min hip hle a, Mumbai City neitute nen kan inbiak hnuah he club hi Indian football-a ka zinkawng atana hman ṭan ka duh a ni," a ti.

Brazilian manager hian India a pan hmain Asian club langsar zingah UAE league lamah Al-Wasl leh Al Dhafra-te a lo enkawl tawh a, Chinese club Tianjin Teda-ah hian kum hnih chamin kum 2014 khan contract thar ziak duh loin CSL club hi a chhuahsan a ni.