Ajax pet chhuaktu Atalanta

Liverpool telna group D inkhel dangah Atalanta chuan 1-0 in Ajax an hneh a, Champions League last 16 khel turin an inpetkai - season hnih chu a zawnin European football-a club inelna sang berah knockout round an lut ta

Ajax midfielder Ryan Gravenberch chu minute 79-naah a yellow card pahnihna a hmuh avangin hnawhchhuah a ni a, a tam zawka khel Atalanta-in minute 85-naah goal an khung zui. 

Italian club tan hian substitute Luis Muriel chuan  goalkeeper Andre Onana a tlan hel hnuin inkhela goal awmchhun a khung a, Dutch club pet chhuakin last 16 an lut. 

Atalanta hian season hmasa khan Champions League quarterfinal an lut tawh a, hun tawp lama Paris St-Germain goal hnih avangin semifinal an lut lo - tun season-ah a sang pali zingah tal tel an beisei ngam dawn.