Atletico Madrid-in last 16 an lut

Champions League last 16 lut turin Atletico Madrid-in Red Bull Arena Salzburg an luhchhuah a, 2-0 in hnehna an chang. Spanish club tan hian Mario Hermoso (39') leh Yannick Carrasco (85') ten goal an khung.

Austria khawpui Salz-burg chanchinbu Kurier chuan, "Salzburg-in chance ṭha tak ṭum hnih an hloh a, 2-0 in an chak lo. Amaherawhchu Europa League an khel dawn tho," tiin an ziak a, Spanish club lian Atletico hneh tur em chuan an khaw club RB Salzburg hi an ngai lo.

Atletico Madrid tan erawh chak lo se chuan mualphona a ni a, Diego Simone hoten team ṭha an ni tih an lantir. Argentine manager Simeone chuan, "Kum kaw chhung Atletico hi ka enkawl tawh a, ṭum riat last 16 kan lut. Ka hnathawh hi ka en let a, ka chhuang khawp mai," tiin a sawi.