Mourinho leh Ranieri inhmachhawn dawn

Chelsea manager hlui Jose Mourinho leh Leicester City boss Claudio Ranieri-te chu June 5 khian Old Traffod-ah an inhmachhawn dawn a, an inhmachhawnna tur inkhel hi UNICEF ṭanpui nana Soccer Aid-in a buatsaih a ni.

Mourinho hian Eng-land team a kaihruai dawn a, Sunderland manager Sam Allardyce chuan assistant manager dinhmun a chelh ang. Italian manager Ranieri hian Rest of the World team a kaihruai thung dawn.

Kum 2014-a Rest of the World hnehna lo chanpui tawhtu Mourinho chuan, "Team pahnih tana Soccer Aid nomawi chawi hmasa ber nih ka tum dawn a, Sam nen hian kan inkawp ṭha khawp ang. Claudio tan pawh chak loh hi a hun ve tawh a ni," tiin fiamthu a thawh zui.

Premier League-a Foxes hmahruai puitu Ranieri chuan, "Soccer Aid dintu zinga mi Robbie Williams-a'n Rest of the World team enkawl tura min sawm hi ka lawm a, an title an hum ngei theih nan theihtawp ka chhuahpui ang," tiin a phur thu a sawi.