Aizawl FC-in Bengaluru hneh

Nimin tlai khan Aizawl FC Under-15 chuan Nike Premier Cup 2016-a an match hnihna an khel a, Bengaluru FC Under-15 chu 1-0 in an hneh.

Duler Stadium, Goa hmuna inkhelah Aizawl FC tan Lal-muanzova chuan minute 37-naah he inkhela goal awm chhun hi a khung. Aizawl hian an match hmasa zawkah Sporting Clube de Goa chu 4-0 in an lo sawp tawh bawk.

Aizawl FC hi Group A-ah Benglaru FC, United SC leh Sporting Clube de Goa te nen awmin Zirtawpni hian group match match hnuhnung berah United Sporting Club an hmachhawn leh ang. Aizawl tan semifinal lut turin an match hnu-hnung berah hian point khat hmuh a tawk.

I League Under-15 hi group pathumah ṭhen hran niin group tina a sang ber leh group pathuma pahnih-na dinhmuh hauh zinga team tiṭha berin semifinal hi an lut dawn. Group A-a an match hmasa lamah Bengaluru FC leh United Sporting Club te an lo inhnehtawk tawk avangin Aizawl FC hi an dinhmun a ṭhat phah ta a ni.

Nimin inkhel dangah United SC chuan Sporting Clube de Goa 5-2 in an lo hneh ve bawk.