Bautista hnehtu Khachanov

Russian teenager Karen Khachanov chuan world number 17 Roberto Bautista Agut hnehin Barcelona Open second round a paltlang.

Kum 19-a upa Khachanov hian seeded pangana Bautista Agut lakah hian 6-2, 6-7, 6-3 in hnehna a chang a, ATP ranking-a a sang 20 zinga mi a hneh vawi khatna a ni. World number 138 Khachanov hian Alexandr Dolgopolov a hmachhawn leh ang.

Seeded parukna Benoit Paire leh seeded 13-na Jeremy Chardy te pawhin Teymuraz Gabashvili leh Victor Estrella Burgos lakah straight-set ve ve a hnehna changin third round an lut ve bawk.

Monte Carlo champion hlim Rafael Nadal pawh Barcelona Open-ah hian a inlan a, nizan khan a match hmasa ber khelin Marcel Granollers nen an inhmachhawn a, he thu buatsaih lai hian result kan hre hman lo.