Champion lai Bayern an ṭha

Bayern Munich-in season liam ta khan match zawng zawngah hnehna chang vekin Champions League nomawi an chawi. 

Tun season-ah pawh Bayern hi team ṭha ber zinga mi an la ni a, Atletico Madrid nen ṭum khat an inhnehtawk tih loh chu an chak vek.

Bavarians hian group match hnuhnung berah Nilaini zan khan Lokomotiv Moscow chu 2-0 in an hneh a, second half-ah Niklas Sule leh Eric Maxim Choupo-Moting ten an khung.

German club tan goal khung khawl Robert Lewandowski a la che ṭha tawk lo a, match li aṭangin goal thum a khung. Polish striker-in goal thum chauh khung mah se Bavarians hian match ruk aṭangin goal 18 an khung leh der tawh a ni.