MSL3-ah Zarkawt nge Republic?

Mizoram Super League Season 3 khel tur zawnna Relegation Playoff chu nizan khan khelh zawh a ni a, game 3-a Zarkawt BCA leh Republic VR4 inkhelh result kan hre hman lo.

Ningani zanah Repub-lic VR4 an tho chhuak a, Zarkawt BCA-in Aravind Annadurai an ngam lo. India tana khel pha Annadurai hmangin VR4-in game 2-ah BCA chu 73-59 in an hneh.

VR4 coach Robert chuan, "Kan defence kan siam ṭha a, chu chu game 1 nena a danglamna chu a ni. Kan state pawn player-te kan hmang thiam tawh a, kan game-ah hmasawnna nasa tak a awm a ni. Sawi hmaih theih miah loh chu vengchhung mipuite an ni a, anni kha kan chakna kawngah an pawimawh hle," tiin mipui chungah lawmthu a sawi.

BCA assistant coach Lalruatfela chuan, "An-na-durai kha kan veng hneh lo a, tihsual ho te te kan nei bawk. Kan khelh ṭha tawk lo a ni," tiin chhuanlam siam a tum lo.