Federer-a'n Madrid lam a hawi

Grand Slam vawi 17 champion tawh Roger Federer chu thla leha khelh tur French Open inbuatsaihna atan karleha khelh tur Madrid Masters-ah a inlan dawn tih Ni-ngani khan tournament buatsaihtu ten an sawi.

Madrid Masters tour-nament director Manolo Santana chuan, "Madrid Open-ah Roger Federer a inlan dawn tih a chiang tawh a, khawvela player
ṭha berte zinga mi a rawn tel thei tur hian min ti lawm hle a ni," tiin Swiss thiampuipa chungchang a sawi.

World number 3 Fede-rer hi kuminah a khup zai a nih tawh avangin a inkhel tam lo a, Masters tournament paliah ngawt a inlan tawh lo. He hi Grand Slam khelh hmabak pathum la awm atana ṭha zawka a khelh theih beisei vang zawk a ni.

Spain khawpuia inelna neih turah hian player
ṭha rual world number 1 Novak Djokovic, cham-pion lai Andy Murray bakah Monte Carlo leh Barcelona Open champion hlim Rafael Nadal te pawh an inlan dawn.

Kum 34-a upa Federer hian Madrid-ah hian kum 2006, 2009 leh 2012-ah te khan hlawhtlinna a lo chang tawh nghe nghe.