Bayern zawm duhtu Hummels

Premier League club lian Liverpool, Manchester United leh Arsenal te hel lai, Borussia Dortmund captain Mats Hummels chuan nipui transfer hunah an elpui Bayern Munich zawm a duh thu a sawi.

Germany defender hian kum 2017 thleng cham turin Dortmund-ah contract a nei mek a, tun hnaiah contract thar ziah a tum loh thu a sawi tawh avangin a club tan chuan a man to lai taka hralh chhuah hi a fin thlakin a rinawm.

Hetihlai hian Dort-mund chuan, "Tun thleng chuan Bayern aṭang hian kan player lakluh duhna thu kan la dawng lo," an ti ve thung a, chutih rualin an defender hian Bayern zawn a duhthu a sawi tih erawh an pha lo thung.

Kum 27-a upa Hum-mels hi Bayern-ah a kir a nih chuan a mikhual lo hle ang, Bayern hi a inzir chhuahna niin kum 2008 khan loan-in Dortmund hi a zawm a, a kum lehah a nghetin a kal chauh a ni. A club tan hian match 219 khel tawhin tun season inelna hrang hrangah match 44 a inlan tawh.

Hummels hian Bayern hi zawm ta se chuan Mario Gotze (2013) leh Robert Lewandowski (2014) hnu-ah Dortmund hian Bun-desliga lama an elpui ber lakah an player ṭha an chan zel dawn tihna a ni ang.