Euro atan Wilshere

Arsenal midfielder Jack Wilshere chuan a hliam dam hnuah hliam dang tuar tawh lo tur a fimkhur a ṭul thu a sawi a, Euro 2016 khel thei turin beiseina a nei mek bawk.

England international hi hliam vangin season khat dawn a inkhel thei lo a, kar hmasa khan Sunderland nen Premier League match an khelh
ṭum khan tun season-a a vawi khat nan senior team tan a inlan. Roy Hodg--son ti lungawi tur chuan Nor-wich City, Man-chester City leh Aston Villa an hma-chhawn hunah khelmual chhungah mit tlung taka a khawsak a ṭul ang.

Kum 24-a upa Wil-shere chuan, "Ka hliam tam ber chu ruh na a ni ṭhin a, tihrawl chu a na ngai meuh lo. Ka inkhelh dan phungah midang ka hnaih chilh thei lutuk a, hliam pumpelh tur chuan ka khelh dan phung pawh ka insiam rem theih ka beisei," tiin a sawi.

Premier League table-a pathumna Arsenal hian zanin dar 10:00 hian Emirates Stadium-ah tla hniam thei dinhmuna ding mek Norwich City an lo mikhual dawn.