Marin-i'n last 16 paltlang

World champion vawi hnih lo ni tawh Carolina Marin chuan player ṭha bik a nih zia a lan tir chho leh mek zel a, Ningani khan Alesia Zaitsava hneh-in Badminton European Championship last 16 a paltlang.

La Roche sur Yon-a inkhelah world number 1 hlui Marin hian quar-terfinal lut tur hian hna hautak a hmachhawn lo a, minute 27 chhung lek-in Belarus shuttler lak-ah hian 21-6, 21-12 in hneh-na a chang. Carolina hian quarterfinal-ah chuan Kati Tolmoff leh Nanna Vainio te inkhela chak zawk zawk a hmachhawn leh dawn.

Inkhel dangah seeded pahnihna Kirsty Gilmour pawhin last 16 paltang turin Natalia Perminova chu 21-14, 13-21, 21-10 in a hneh a, seeded parukna Beatriz Correales nan semifinal lut tur zawk an ching fel leh ang.

Mipa lamah seeded pakhatna Jan O Jorgensen chuan Nick Fransman lakah 21-10, 21-12 in hneh-na a chang a, Den-mark shuttler hian seeded parukna Brice Leverdex a tum leh dawn. Seeded pangana Rajiv Ouseph pawhin Lucas Corvee hnehin quartefinal a lut a; seeded pasarihna Kristina Gavnholt erawh Anna Thea Madsen lakah 13-21, 21-14, 15-21 in a tlawm.