Pogba a chhuak lo ang - Marotta

Juventus Chief Execitive Officer Giuseppe Marotta chuan nipui transfer hunah an midfielder pawimawh Paul Pogba chu an chhuah tir loh tur thu a sawi.

France international Pogba hian kum 2019 thleng cham turin Juventus-ah hian contract a nei mek a, kum 2012-a Man-chester United chhuahsana Turin a pan hnuah a club tan match 175 khel tawhin player mawimawh berte zinga mi a ni. Contract nei lai ni mah se khelmual a che velin mit a lak em avangin Europe club lian dang ten an ngaihven hle.

Juve CEO Marotta chuan, "Nikum khan Pogba chungchangah hian thutlukna kan lo siam tawh, kan hnenah a hlim a, kum lo la kal lehzel turah pawh he club tana player pawimawh a ni zel ang. Engpawh nise ani hi chu pound maktaduai 100 aiin a man a tlawm thei lo ang," tiin a player hlutna a sawi.

Tunkar tir khan Juve hi a zawna a vawi nga nan Serie A-ah an champion a, Pathianni tlai dar 4:00-ah an khelmual Juventus Stadium-a Capri an mikhual hunah league nomawi an chawi ang.