Tun hnai chauh ngaihtuah suh u - Martinez

Everton fan-ten bang tura an duh tawh manager Roberto Martinez chuan Toffees ho lungawi lohna a hriatthiam rualin a hna lo thawh tawhte pawh ngaih-tuah tel sak turin a ngen.

Spanish manager kaih---hruaina hnuaiah Ever-ton hian tunhnai an league match hnuhung vawi sarihah chak ni hmel an hmu miah lo a, tun dinhmunah Premier Lea-gue table-ah 11 na an ni mek. League Cup semifinal-ah Manchester City an hneh lo a, an beisei pakhat FA Cup-ah pawh semifinal bawk paltlang zo loin Manchester United lakah 2-1 in an chak lo.

Boruak rit tak hnuaia ding mek Martinez chuan, "Club tana mi ṭhahnem ngaite min sawiselna leh fuihna hi ka hrethiamin ka pawm em em a, mahse tun hnai thla hnih chhung vel leka ka hnawthawh
aṭanga ka dinhmun pum-pui an teh ṭhin hi chu a fuh lo deuhin ka hria. Ka nihna tak tarlang tur chuan season thum chhunga ka hnathawh en tel a fuh ang," tiin a sawi.

Zanin dar 7:30 hian Goodison Park-ah Bour-nemouth an lo mikhual dawn a, point thum an hmu lo a nih leh lek phei chuan Martinez duh lohna aw rawl a ring lehzual tawh hle ang.

Kum 42-a upa Mar-tinez hian kum 2013 khan Everton a enkawl ṭan a, a season hmasa berah league-ah pangana nih puiin nikum khan Europa League last 16 a hruai thleng leh bawk. Mahse, kuminah erawh beisei angin result ṭha an nei thei lo.