Kolkata hnehtu Mumbai Indians

Ningani zan Indian Premier League-ah inkhel pakhat chiah a awm a, Mumbai Indians chuan wikcet rukin an mikhual Kolkata Knight Riders an hneh.

Bat hmasa zawk Kolkata Knight Riders-in over 20 chhungin run 174 an siam a, opener pahnih Robin Uthappa (36) leh captain Gautam Gambhir (59)-te khel ṭha viau mah se batsman dangin an hnung an zui ṭha tawk lo.

Mumbai Indians tan opener captain Rohit Sharma-a'n run 68 siama a tawp thleng damin ball 17 leka run 51 siamtu Kieron Pollard-a'n a pui ṭha viau bawk a, Mumbai Indians-in over 18 lekah an target umphain mi pali an hloh a, wicket rukin hnehna an chang ta a ni.

Vawiin tlai dar 4:00-ah Delhi Dare-devils leh Kolkata Knight Riders an inhma-chhawn dawn a, zan dar 8:00-ah Sunrisers Hyderabad leh Royal Challengers Bangalore an inhmachhawn bawk ang.

Pathianni IPL-ah pawh inkhel pa-hnih a awm dawn a, tlai dar 4:00-ah Gujarat Lions leh Kings XI Punjab an inhmachhawn ang a, dar 8:00-ah Rising Pune Supergiants leh Mumbai Indians an inkhel ve leh bawk ang.