Everton-ah Godfrey

Everton-in tlarhnung thuam chak nan Norwich City aṭangin Ben Godfrey an lalut. Toffees hian English centre back manah pound maktaduai 25 an pe phawt ang a, a chet ṭhat dan a zirin pound maktaduai 30-ah a pung chho thei ang.

Godfrey hian kum nga daih contract a ziak a, Everton player lakluh pangana a ni. Toffees hian Godfrey hma hian midfielder pahnih Allan leh Abdoulaye Doucoure, playmaker James Rodri-guez leh left-back Niels Nkounkou te an lalut tawh a ni.

Everton hi league match vawi li khelh tawh-ah la chak vekin Premier League-ah hmahruaitu an ni a, amaherawhchu defender pahnih Mason Holgate leh Jarrad Bran-thwaite te an inhliam avangin manager Carlo Ancelotti-a'n tlarhnung tih chak hi a la duh a ni.