Alli season a tawp

Tottenham Hotspur midfielder Dele Alli hremna chu FA-in a tichhuak ta a, English rawlthar duhawm hi match thum chhung atana an hrem avangin tun season chhungin a inlan tawh lo ang.

Kum 20-a upa mid-fielder Alli hian West Brom midfielder Claudio Yacob puma a hneka an puhna chu a pawm tawh a, khelmual chhunga tharum thawhna a lantir avang hian match thum khel thei lo tura hrem a ni. Dele Alli chet dan hi referee-in hmu lo mah se camera-in chiang taka a lo lak fuh avangin hremna erawh a pumpelh thei ta lo.

PFA Young Player of the Year dinhmun luah hlim Dele Alli chuan, "Ka season a tawp ta mai hi pawi ka ti hle. Ka chet dan kha a dik lo a, inzirna tur ka la ngah hle a ni. Ṭha zawka rawn let leh ka tum ang," tiin a inchhir thu a sawi.

MK Dons player hlui Dele Alli hian tun season Premier League-ah match 33 khelin goal 10 a khung tawh a, Harry Kane nen an inkawp fuh avangin Spurs-in Chelsea, Sou-thampton leh Newcastle an hmachhawn huna an chhawr thei lo tur hi channa nasa tak a ni.