Serena inhnukdawk

Madrid Open-ah inlan a tum thu sawi tawh mah se Serena Williams chu hritlang vangin a la inkhel thei dawn lo a, Rome Open-ah chuan kan hmuh theih tawh beisei a ni. World number 1 Serena a inlan dawn loh takah chuan Agnieszka Radwanska chu seeded pakhatna a ni ang.

Kum 34-a upa Serena hian hun harsa a hmang ve mek a, nikum August thla hnuah tournament pali chiah la khelin hlawh-tlinna a chang zo lo vek. September thla khan US Open semifinal-ah a chak lo a, Australian Open leh Indian Wells final-a a chak loh bakah Miami Open fourth round-ah a chak lo bawk.

Grand Slam vawi 21 champion tawh Serena chuan, "Madrid Open aṭanga ka inhnuhdawh a ngai hi pawi ka ti hle a, tun hnaiah natna satliah deuhin min ti buai ve reng a, 100%-in ka fit loh avangin inkhel turin ka inpeih rih lo a ni," tiin a sawi.