Rii & Hawla Football Final-ah Zotlang vs Khawzawl

Champhai District FA buatsaih Rii & Hawla Football Tiurnament chu Inrinni khan Chhangphut Field-ah semifinal khelh zawh a ni a, Thawhlehni hian final khelh tur niin Zotlang leh Khawzawl Vengthar an inhmachhawn ang.

Semifinal inkhel hmasa zawkah Zotlang tan Lalchhanchhuana'n hat-trick a siam bakah Lalhmuchhuaka, Lalnunsiama leh Robert Lalfakzuala ten goal khat ṭheuh an khung a, Khawzawl IV tana Zomuansanga goal khat khungin kawngro a su phak lo.

Inkhel hnuhnung zawkah Khawzawl Vengthar tan PC Hmangaihzula chuan minute 88-naah inkhela goal awmchhun khungin Vengthlang final luh tumna a tih tawp sak.