Vawiinah HPC Cup final

Lunglei District Football Association (LDFA) leh Lunglei District High Powered Committee (HPC) te buatsaih - 13th HPC Cup 2024 : Inter Village/Local Council Football Tournament chu vawiin hian a hmawr bawk a ni dawn.

Inelna hi C. Ṭhuamluaia Mual, Lungleiah neih niin, chawhma dar 11:15-ah Vanhne leh Theiriat ten hmeichhe final an khel ang. Mipa final chu chawhnu dar 1:00-ah niin Zobawk South leh Ramthar ten an khel thung dawn a ni.

HPC Cup hi kum 2011 aṭang khan khelh ṭan niin champion hmasa ber chu Hnahthial North II an ni a, a hnu hian College Veng, Lunglawn, Electric Veng (vawi nga), Zotlang, Sethlun leh Serkawn te an champion tawh bawk.