April 12 aṭangin MFA Women's League

MFA Women's League 2023-24 chu April 12, Zirtawpni aṭangin Lammualah khelh ṭan a ni dawn. Women's League Season 3-ah hian club paruk an inel dawn a, vawi khat ṭheuh an inkhelh kual hnuah a sang paliiin semifinal an lut ang.

Team parukte chu Lalhmachhuani Memorial FC (Ramhlun South), 1215'S (ITI Veng), Friend's Club (Kolasib), Kulikawn FC, SYS A leh Mizo Football News FC (Laipuiltang) te an ni ang.

League match-a chak zawkin Rs 1,500 an dawng ang a, chak loin Rs 1,000, draw match-ah Rs 1000/- ve ve an dawng ang. Champion team-in Rs 50,000 an dawng ang a, pahnihnain Rs 20,000 an dawng dawn. Fair Play (Rs 5,000), mimal lawmman best player (Rs 2,000) leh top scorer (Rs 2,000) bakah semifinal-a vanduai hnenah Rs 5,000 ve ve pek an ni ang.