MBBA-in CYMA nena thawhho an duh

MBBA General Body Meeting chu Hawla Indoor Stadium Conference Hall-ah April 5, 2024 khan neih a ni a, MSL Club leh District Representatives ten Mizoram Basketball hmasawnna tur hrang hrang te an sawi ho. MBBA hian Aizawlah chauh referee clinic a buatsaih ṭhin a, Aizawl pawn district-ah referee clinic buatsaih ṭhin a ni tawh dawn.

Inter district tournament kum tin neih ṭhin pawh MBBA-in kumin aṭangin a thlengtu District-te puihna pawisa a ti pung dawn. MBBA General Body Meeting hian CYMA nena thawhho dan an zawng dawn a, CYMA Basketball inelna neih dan kawng zawn an tum.

MBBA hian 3rd North East Olympic Games basketball mipa inelnaa Mizoram tana gold medal latu Mizoram Mipa Basketball Team te lawmpuina hun an hmang nghal a, Mizoram hian NE Olympic basketball-ah inelna zawnin gold medal an la a ni.