Championship boruak a 'hot' zel

Season thara Premier League khelh tum inum boruak pawh a sang zel. Championship hmahruaitu Leicester City chuan Thawhlehni zan khan rin loh takin Millwall chu 1-0 in an ngam lo a, an hmahruaina a derthawng.

Relegate thei dinhmuna ding Millwall tan Ryan Longman chuan mawi zetin goal awmchhun a khung a, table-ah 17-naah invawrh zuiin, relegation zone chu point liin an tlansan.

Leicester tlawm zanah Leeds United-in Foxes tlanpel a, hmahruai theihna hun ṭha an nei a, mahse, Sunderland lakah goal khung thei loin 0-0 in an inhnehtawk - table-ah pahnihnaah an kai ta tho.

Foxes-in table chung ber luah chhunzawm mah se, Leeds aia an sanna chu point khat chiah a ni ta a, match khatin an khel tlem thung. Nizan khan pathumna Ipswich Town an inlan a, Watford lakah hnehna an chan chuan table chung ber an luah ang - an result kan hre hman lo.

Championship-a pakhatna leh pahnihna hi Premier League khel turin an tling nghal ṭhin a, pathumna aṭanga paruknaten playoff hmangin hmun ruak pakhat an inchuh leh ṭhin.