Villa mikhual tur Lille

Unai Emery-a'n a enkawl chinah Aston Villa hian nasa takin hma an sawn a, tunah chuan kum 2009 hnua a vawi khat nan European football inelna huangah knockout stage an khel dawn.

Zanin dar 12:30 hian Villa park-ah Europa Conference League quarterfinal first leg khel turin Lille an lo mikhual dawn, Ligue 1 club lakah result ṭha neih ngei an inbeisei ngam ang.

Unai Emery naute hi Premier League lamah pawh a sang zual pali zinga tel phak tum ngam zinga mi an ni a, tun kar tawpah hmahruaitu Arsenal an lenchilh dawn vang erawh chuan league an ngaihtuah tel a ngai dawn.

Last 16-ah khan Villa hian Ajax chu 4-0 in an sawp thei, striker ṭha Ollie Watkins neitu an nih avangin zaninah pawh goal chu an khung leh mai a rinawm, coach Emery-a'n a venhim aiin a khung lam a ngai pawimawh hmasa ṭhin a ni.

Spanish manager Emery hi European football hrechiangtu a ni a, tun hmain Sevilla chu Europa League-ah hlawhtlinna a lo chanpui tawh ṭhin. Tun ṭumah hian Villa hi a hlawhtlinpui a nih pawhin a mak lo ang.