Run hnih lekin Sunrisers an chak

Indian Premier League-ah Sunrisers Hyderabad (182/9) chuan Thawhlehni zan khan Punjab Kings (180/6) chu run hnihin an hneh. Zanin dar 7:30 hian Mumbai Indians leh Royal Challengers Bengaluru te an inkhel leh ang.

Maharaja Yadavindra Singh International Cricket Stadium, Mohali-a inkhelah Sunrisers-in Nitish Kumar Reddy (64), Abdul Samad (25) leh Travis Head (21) te hmangin 182/9 runs an siam. Mualneitu Punjab Kings tan target hi umphak theih ni mah se top order Shikhar Dhawan (14), Jonny Bairstow (0) leh Prabhsimran Singh (4) te an khel ṭha tawk lo.

Mahse, Sam Curran (29), Sikandar Raza (28), Shashank Singh (46*), Ashutosh Sharma (33*) te zarah Punjab-in chak beiseina an nei hial. Over tawp berah Shashank leh Ashutosh te inkawpin over tawp berah 26 runs tehmeuh an vaw chhuak a, mahse run hnih lekin an tum ram an thleng phak loh avangin Sunrisers-in hnehna an chang.