PSG an la tlawm lo

An chak loh hnuah Paris Saint Germain chuan, "First leg-ah kan hnufual zawk - Paris chuan kan la bei chhunzawm dawn," tiin an website lamah an ziak a, coach Luis Enrique pawhin second leg-ah ṭha lehzual zawka inlan an tum thu a sawi ve bawk.

PSG coach Enrique chuan, "Kan duh leh beisei ang result chu a ni hauh lo, chutihrualin inkhel entute tan match hmuhnawm tak kan chhawpchhuak thei erawh a lawmawm ka ti a, ngun taka kan thlir nawn chuan chak kan phu ve bawk tih a lang.

"Coach tan chuan inkhela chak lo zawk nih hi chu engtik lai mahin a ṭha ngai lo, goal tam zawk khung theihna remchang kan neihte a lut lo kha a pawi lai chu a ni. Inkhel kan thunun a, goal kan chhuah hnua kan buai deuh erawh kha chu kan siamṭha ang.

"Hnehna an chan avangin Barcelona ka lawmpui, chutihrualin kan match hmabakah tun aia ṭha lehzual zawkin kan khel ang tih ka tiam duh. Barcelona khawpuia kan khelh leh dan tur ngaihtuah chungin a êng lam kan thlir tur a ni," a ti.