Xavi ṭawng fimkhur

Paris khawpuiah Barcelona an chak thei a, khualmuala an chak avangin an dinhmun a ṭha. Mahse, Barca coach Xavi Hernandez erawh a la ṭawng fimkhur hle a, semifinal lut tur zawk a la chiang lo tih a sawi.

Xavi chuan, "Barcelona chu Champions League champion turin kan ṭha tawk a ni tih kan lantir, kan hnathawhte avang khan kan lawm tur a ni a, ka naute khelh dan kha ka chhuang takzet bawk. Hna kan zo ta tihna erawh a la ni lo thung.

"PSG khan na takin min nawr a, kan nghing dawt dawt bawk - mahse min nawrna na tak kan ven theih bakah kan nawr let kha a na tawk hle bawk, goal khung chu thuhran ni se tlarhnung khawng kha kan chak chhan a ni.

"Tun hnai season ṭhenkhat kan hman zawh takah te khan UCL-ah harsatna kan tawk a, tun ṭumah pawh hian tawk leh thei kan ni, chuvangin fimkhur taka kan hmabak kan khelh a ngai dawn," a ti a, an khingpui PSG chu tlang tura rin kai zawk an nih thu a sawi bawk.