Home Missions FC-in Delhi an thleng

Reliance Foundation Development League national group stage khel tur Home Missions FC chuan April 10, Nilaini zan khan inelna neihna hmun tur Delhi an thleng. Home Missions hi Chanmari FC captain leh coach hlui Rochhingpuia (coach) leh Home Missions School director Lalsangzuala Hnamte ten an ho a ni.

Home Missions hi group C-ah NE United FC, East Bengal FC, Delhi, Adamas United SA te nen an awm ho. Group khat aṭang hian a sang ber chauh stage sang zawk khel turin an tling dawn.

Home Missions hian April 14, Pathianni chawhma dar 11:00 hian match hmasa berah Delhi FC an hmachhawn ang.